حدي 7 الاف وافكر بصابونة 91

اخوي اقترح عليك تيرسل 99 تكون نظيفه وقطعها رخيصه وعمليه 
او كورلا 97 الى 99 .. الصابونه حلوه لكن مشاكلها اذا ماكانت نظيفه
بتتعبكك خاصه الحراره .. السيارات الي اقترحتها لك صيانتها سهله وغير
معقده نهائيا او سو طلب سياره بالموقع هنا بحدود 7000 وشوف العروض
الي بتنعرض عليك الله يوفقكك يارب ويرزقك من حيث لاتحتسب ومن يقرا
الكلمه الطيبه صدقه

أتفق تماما مع كلام أخوي أبو نورة و لايك للاثنين و بالتوفيق

والله لو حطيت عرض ياغالي يمكن ينصبني واحد بسيارة فابي استشير وانا بدور
الله يسهل ان شاء الله

اخوي جرب اطلب منت خسران شي .. عرفت وصدقني توكل ع الله 
والله بيسخر لك الي فيه لك كل خير اعرض هنا وابحث بالموقع بعد وبرا 
كل هذي اسباب .. وفي حديث عن الرسول صلى الله عليه وسلم فيما معناه
ثلاث الله يعينك عليها ويسهلها لك الدابه (السياره بوقتنا الحاالي) والزوجه والبيت
والله يرزقنا بالثلاث يارب ومن يقرا باللي ينقصه 

لو سمحت فكر وفكر في اختيارك وﻻ تتهور ....

اﻻ اذا بتحصل مثل الي بالصورة خارجي وداخلي . اشتري 

ع اﻻقل اشتري شي . يخليك تركز بجامعتك وتوفر مكافأتك

القديم ياباني أفضل ع سبيل المثال اكورد .سوبارو .كرسيدا . النترا . سيفيك
بالتوفيق فالدراسة والسيارة

91..92..93 هالموديل احلى موديل بالصابونه لأن المروحه تدور مع المكينه على طول ولا تشتكي من حرارة نهائياً مشكلتها غالباً طرمبة البنزين ومسحية الكفر الأمامي

شوف الكداده اغلبيتهم يستخدمون هالموديل لصبرة وقوة تحملة وراحه ورساوى بالخط وتعتبر سيارة مدينه وخط بنفس الوقت

كان معاي 94 ال تي زد كديتها كد حمير وما اشتكيت الا من القير ووضبته بـ 700 ريال

المكاين اسعارها 2500 الى 2900 ريال وتحصل ارخص بالحاير

اذا حصلت اللي بديها نظيف وديكوراتها نظيفة انصحك تقتنيها وماراح تتعب في صيانتها

خذ الكلام من واحد جرب هالسيارات

انزل الحراج مرتين ثلاث ع مهل بكل روقااان
 وخذ معك عربون فقط والباقي بالبيت او البنك
 
عشان ماتتهور وتشتري قبل ماتشاور
 وبتشووف قدامك خيارات مناسبة ... 
وبناء ع شوفك تختار الي يصلح لك

الله يعين وربك يفرجها المشكلة اخوي جا من برا واخذت سيارتة وحاليا متهجول شوي
فقلت استشير اصحاب الكابريس لاني اشوفة رخيص
فكرت في الاكسنت موديل 2000 بس مادري عنها
الهه يسعدكم يارب

انزل المعارض ودور على قد فلوسك وان شاء الله تلاقي سيارته توديك وتجيبك للجامعه

ماهو غلط المشاورة .. ع اﻻقل تلاقي نصيحة من مجرب 

وماتكون انت  تكراااااار لﻻخطاء للي سبقوك خبرة وتجربة

ودايم صاحب الحاجة .. يهنك مخة شوي

عشان ينشط التفكير . لو انت بتشور لحد بنفس مبلغك
وش بتفضل له يختار...
كذا تشوف كل الخيارات من زاوية اكبر

والله الصابونه صعب تلقى النظيف أغلبها مهربده
دور على السيارات الي قالوها الشباب اشوف انها افضل من الصابونه

اهلين اخوي
-(لا تنسى صلاه الاستخاره)
-(انصحك تاخد هونداي اكسنت او النترا من موديل 2000 فوق)
-(انصحك تاخد كرولا او ايكو او تيرسل من موديل 2000 وفوق)
-(انصحك تاخد نيسان صني من موديل 2000 وفوق)
-(انصحك تاخد هوندا سيفك من موديل 96 وفوق)
-(انصحك تاخد كيا بيكانتو او ريو او اوبتيما من موديل 2003 وفوق)
-(انصحك بمازدا 323)
--(في سيارات تختلف من موديل لموديل وكل السيارات الي ذكرتهم كريفه والبنزين يعجبك والقطع ارخص)
--(لا تستعجل ولا تنسى تفحص وانا بساعدك لو انك من جده (بقلب في النت لمن احصلك على قد فلوسك)
والله يعطيك العافيه وشكرااا لك

تحصل لك اكسنت 2004 بـ7000 ريال

اول يوم كنت ادور سيارة بمعارض الشفا حصلت سيارة اكسنت نظيفة قزاز كهرب طاره هوا موديل 2005 ب 8000 الكلام قبل شهر
وتحصل ب 7000 ان شاء الله 

الصابونة ام 7000 آلاف

يبغالها 7000 آلاف ثانية لين تصير موتر صاحي

عليك بالكورلا 1999 2000

صابونه بجده ماتخارج بجده وأنت طالب صرفيه بنزين ومشاكل لو طحت في واحد مهربد حاول تكمل ال 10 الاف 
و شفلك أكسنت من موديل 2003 إلى 2006 تحصل بسعرك هذا وحده طيبه قطعها رخيصه وإقتصاديه لدرجه ماتتصورها
وبالتوفيق لك 

جزيتم خيرا على نصائحكم وجاري البحث عن اكسنت 2001 -2004

عليك بالصني مديل 2000 
استخدام 8سنوات
 وماعمرنا فكينا مكينتها او قيرها
مكيفها ثلاجه  والقطع متوفره ورخيصه جدا 

الله يذكرها بالخير 

اذا حصلت صابونه لقطه بويتها جديدة ووقفت الموتر حلوة ومكينته مهب منهبله انا اشوف انها حل مناسب بس لاتنسى او ماتاخذها تشيك على الرديتر وتنفضه نفض كانه يحتاج تتسيخ او تغيير خراطيش الخ ... والصابونه ماعليه قوية وتتحمل ومركبها مريح وقيادتها حلوة